اسلام آباد 11 اګست (اے پي پي)د قامي اسمبلۍ سپيکر اسد قېصر وئيلي دي د اقليتي ورورولۍ د حقونو تحفظ ته موجوده حكومت پام لرنه كوي ، اسلام د ټولو مذهبونو پېروكارو ته يو برابر حقونه وركوي۔ د نهې په ورځ د اقليتونو د آزادۍ ورځ په موقع خپل پېغام كښې سپيكر اسد قېصر ووئيل اسلام د ټولو مذهبونو پېروكارو ته بشپړه مذهبي آزادۍ سره د ژوند كولو اجازه وركوي، د پاكستان آئين د اقليتي ورورولۍ د حقونو ضمانت وركوي او دوي ته د خپل مذهب او عقيدو له مخې د ژوند كولو بشپړه آزادي وركوي۔۔ ده ووئيل د اقليتي ورورولۍ د حقونو تحفظ ته موجوده حكومت پام لرنه كوي او حكومت د اقليتونو د حقونو په تحفظ باور لري ۔ ده ووئيل په يوولسم اګست 1947 كښې زمونږ قائد محمد علي جناح د قانون سازې اسمبلۍ وړومبۍ غونډې ته وېنا كړې وه او د اقليتونو د حقونو د تحفظ خبره كولو سره ئې وئيلي وٶ پاكستان كښې مېشته د ټولو مذهبونو پېروكارو ته دې مساوي حقونه وركړے شي۔ قائد فرمائيلې وٶ پاكستان كښې هر چا ته د خپلې عقيدې او مذهب له مخې د عبادت كولو آزادي به ترلاسه وي۔ اسد قېصر ووئيل د قائد فرمان له مخې د اقليتي ورورولۍ د حقونو تحفظ باوري كولے شي۔ ده ووئيل پاكستان كښې د ټولو مذهبونو مننونكي د پاكستان وګړي دي او مونږ له به په اتفاق د هېواد او قام پرمختګ لپاره هلې ځلې كول وي۔ ده ووئيل د هند فاشسټ حكومت هند كښې په اقليتونو په خاص توګه په مسلمانانو زمكه تنګه كړې ٬ په هند كښې په مسلم اقليت كېدونكي ظلمونه د افسوس او غندنې وړ دي۔ ده ووئيل نړيواله ورورولي دې د آر اېس اېس د پېروكار مودي لخوا په مسلمانانو د كېدونكو ظلمونو نوټس واخلي
