اسلام آباد 28 اګست (اے پي پي) د سندھ ګونر عمران اسماعيل وئيلي دي چې وزيراعظم عمران خان كراچې ته خاص پام لرنه كوي، د ستونزو حل لپاره خاص اقدامات كولې شي، حكومت د كراچې صورتحال بهترې لپاره يوه جامع ستراتېژي جوړوي چې اعلان به ئې ډېر زر وكړے شي. د جمعې په ورځ نجي ټي وي چېنل سره په خبرو كښې ده ووئيل چې كراچې يو شمېر ستونزو سره مخ ده او وفاقي حكومت د دې حل لپاره اقدامات كوي. ده ووئيل چې حكومت به په يو صورت هم د كراچې اولس يوازې نه پرېږدي. وزيراعظم پخپله د صورتحال جاج اخلي. ده ووئيل چې پيپلز ګوند كراچې نظرانداز كړې، له بده مرغه د كراچې په معامله سياست شوے او د دې نه وړاندې چا هم د دې لوي ښار د ستونزو حل كولو هڅه نه ده كړې.
