اسلام آباد ۔ 21 اگست (اے پی پی) وزیراعظم دے مشیر پارلیمانی امور ڈاکٹر بابر اعوان آکھیا جو حکومت کہیں کوں بلا وجہ تنگ کرنڑ دا کوئی ارادہ کائنی ،وزیراعظم جیرھا کجھ اکھیندن ایندے تے عمل کریندن ،حکومت اچ میں سمیت کہیں دا لحاظ کائناں کریسن ۔اسلام آباد انتظامیہ اتے سی ڈی اے پارکس ، گرین ایریا اتے پلے گراونڈ تے ناجائز قبضہ ختم کرتے مذکورہ جہیں کوں وختی طور تے کلیئر کرے تے اسلام آباد اچ نویں سیاحتی مرکز قائم کیتے ویسن ۔جیرھی ہاوسنگ سوسائٹیز قبرستان اتے پارکاں سانگے جاہ مختص کائنی انہاں دے این او سی کینسل کیتے ویسن ۔اے گال انہان منگل کوں چیف کمشنر آفس اچ اعلیٰ سطحی اجلاس دی صدارت کریندے ہوئیں آکھی ۔ وزیراعظم دے مشیر آکھیا جو وزیراعظم عمران خان اسلام آباد اچ سرکاری اراضی تے ناجائز قبضہ ختم کراونڑ دے حوالے نال روڈ میپ ڈتے ۔ایندا سنگل پوائنٹ ایجنڈا ہے جو پارکس گرین ایریا اتے پلے گراونڈ زتے ناجائز قبضہ فوری طور تے ختم کرایا ونجے تے تاں جو ایندی رپورٹ خمیس کوں وزیراعظم کوں پیش کیتی ونج سگے ۔
