اسلام آباد۔4فروری (اے پی پی) چیئرمین سینیٹ محمد صادق سنجرانی آکھیا جو کشمیر دے مسئلے دے منصفانہ حل کیتے ملکی تے بین الاقوامی سطح تے موثر لائحہ عمل ٻݨا تے اقدامات کرݨ نال بہتری تھی سڳدی ے۔ پاکستان دی عوام اتے ادارے کشمیریاں دی جدوجہد آزادی اچ انہاں دے نال کھڑن اتے انہاں دی آزادی کیتے کہیں وی قربانی توں پچھوں کائنا ہٹسن۔ اے ڳالھیں انہاں یوم یکجہتی کشمیر دے موقع تے آپݨے سنیھے اچ آکھی۔ چیئرمین سینیٹ آکھیا جو پنج فروری دا ݙینھ کشمیریاں دی جدوجہد آزادی اتے لازوال قربانیاں دا ݙینھ اے جیڑھا ملک اچ بھرپور انداز اچ منایا ویندے، اے ݙینھ کشمیریاں نال یکجہتی دا ݙینھ اے۔ کشمیر دے مسئلے دے حل کیتے پاکستان دی ساری سیاسی جماعتاں، ادارے اتے قوم ہک زبان ہن۔ کشمیر دا مسئلہ اقوام متحدہ دی قرارداداں اتے کشمیری عوام دی امنگاں دے مطابق تھیسی۔ ایں مقصد کیتے اقوام عالم اتے خصوصی طور تے اقوام متحدہ دی انسانی حقوق دی تنظیماں کوں آپݨا کردار ادا کرݨا پوسی۔
