اسلام آباد۔13جولائی(اے پی پی) وفاقی وزیر نجکاری و سرمایہ کاری بورڈ اتے مواصلات عبدالعلیم خان آکھیے پاکستان تے فرانس ٹریڈ، اکنامک، تعلیم اتے ثقافتی شعبیں اچ سانجھے تعاون کوں مسلسل ودھارا ݙیندے پیوں ،فرانس پاکستان اچ معدنیات، توانائی،زراعت، انفارمیشن ٹیکنالوجی تے دفاعی پیداواراچ سرمایہ کاری کرسڳدے ۔وفاقی وزیر نجکاری فرانس دے قومی ݙینھ تے سفارت کانہ اچ تھیوݨ آلی تقریب اچ بطور مہمان خصوصی شرکت کیتی۔ وزارت نجکاری توں جاری اعلامیہ موجب فرانس دے سفیر نکولس گیلے مہماناں دااستقبال کیتا تے فرانس دےقومی ݙینھ دی تاریخ دا شرکا کوں ݙسائے۔ تقریب اچ وفاقی وزراء، سینٹرز، ارکان اسمبلی، سفارت کاراں تے سیاسی، کاروباری و سماجی شخصیات وی شرکتتی۔ اتھاں پاکستان تے فرانس دے تعلقات تے ڳالھ کریندے انہاں آکھیے اڄوکے مہینے فرانس اچ اولمپکس گیمز تھیندیاں پئن تے پاکستان توں اتھلیٹ ٻئے دی شرکت چنڳی اے۔ انہاں آکھیے پاکستان تے فرانس ٹریڈ، اکنامک، تعلیم تے ثقافتی شعبیں اچ سانجھے تعاون کوں مسلسل ودھیندے پئن گزریل سال ݙوہیں ملکاں دا ݙو پاسے تعاون دے روڈ میپ تے اتفاق چنڳی ڳالھ اے ۔ فرانس پاکستان اچ معدنیات، توانائی، زراعت، انفارمیشن ٹیکنالوجی اتےدفاعی پیداوار اچ سرمایہ کاری کرسڳدے ،فرانس اچ ھک لکھ 25 ہزار پاکستانی رہندے پئن جݙاں جو ہزاراں سٹوڈنٹس تعلیم حاصل کریندے پئن ۔ فرانس دے قومی ݙینھ تے وفاقی وزیر نجکاری و سرمایہ کاری بورڈ تے مواصلات عبدالعلیم خان تقریب دے شرکا کوں مبارخ ݙتی ۔ وزیر خزانہ محمد اورنگزیب، سینٹرز شیری رحمان، سلیم مانڈوی والا اتے رکن قومی اسمبلی ڈاکٹر فاروق ستار وی فرانس دے قومی ݙینھ تے تقریب اچ شرکت کیتی۔
