طرابلس – 05 اپريل (اي پي پي) گڏيل قومن جي ٻارن جي فنڊ (يونيسيف) ليبيا ۾ ڌماڪي دار مادين خلاف فوري ڪاروائي جو مطالبو ڪيو آهي. شنهوا مطابق يونيسيف بارودي سرنگن بابت آگاهي ۽ مدد جي عالمي ڏينهن جي موقعي تي جاري بيان م چيو ته ليبيا ۾ افسوسناڪ طور تي ٻارن جون جانيون ڌماڪي دار مادي جو شڪار ٿيون آهن. يونيسيف چيو ته ليبيا ۾ ڌماڪي دار مادي خلاف ڪاروائي جي فوري ضرورت آهي. يونيسيف ليبيا ٻڌايو ته مقامي شراڪتدارن سان گڏجي ملڪ جي سڀني کان متاثر علائقن ۾ ريڊيو ۽ پرنٽ ٿيل مواد ذريعي هڪ لک 50 هزار ماڻهن کي ڌماڪي دار آرڊيننس رسڪ جي تعليم فراهم ڪئي آهي.
