اسلام آباد 17 جولائي (اے پي پي) وزيراعظم عمران خان د بهر مېشته پاكستانيانو وطن ته د راوستلو په انتظاماتو او پرمختګ د اطمينان څرګندونه كړې او وئيلي ئې دي د نړۍ په كوم هم ګوټ كښې اوسېدونكے پاكستانے زمونږ ذمه واري ده، د دې ذمه وارې تر سره كولو لپاره به هر ډول هڅې كوو. ده دا خبرې د قومي سلامتيا خاص مرستيال ډاكټر معيد يوسف سره په خپلو خبرو كښې وكړې چا چې ده سره د جمعې په ورځ ملاقات كولو. په ملاقات كښۍ په سيمه ايز صورتحال خبرې هم وشوې. د ملاقات په مهال ډاكټر معيد يوسف وزيراعظم ته د كورونا په تناظر كښې په بهرنيو هېوادونو كښې د ايسارو پاكستانيانو هېواد ته د راوستلو په پرمختګ بريفنګ وركړو. وزيراعظم ته ووئيل شول تر اوسه د نړۍ د 70 هېوادونو څخه د دوه لكه پنځويشت زرو نه زيات پاكستانيان وطن ته راوړلې شوي . په دې مشكل وخت كښې بهر مېشته پاكستانيان وطن ته راوړلو لپاره د وزيراعظم لوظ پوره كړے شوے. په دې موقع وزيراعظم د بهر مېشته پاكستانيانو وطن ته د راوستلو په انتظاماتو او په پرمختګ د اطمينان څرګندونه وكړه. وزيراعظم ووئيل د نړۍ په كوم هم ګوټ كښې اوسېدونكے پاكستانے زمونږ ذمه واري ده، د دې ذمه وارې پوره كولو به هر ډول هڅې كوو
