اسلام آباد 20 اګست (اے پي پي) وزيراعظم عمران خان د بېنكونو لخوا د تعميرات څانګه كښې د فعاله كردار ترسره كولو لپاره په عزم د اطمينان څرګندونه كولو سره وئيلي دي د تعميرات څانګه د معيشت د ودې ضامن ده، دې څانګې سره به بېنكونو ته د ګټور كاروبار بې شمېره موقعې تر لاسه شي، د كورونو جوړولو په اړه درخواستونه دې آسان كړے شي دغسې چې د كم او مېنځنې آمدن كسان دې سهولت څخه زيات مستفيد شي۔ د وزيراعظم آفس ميډيا ونګ لخوا د جاري بيان له مخې وزيراعظم عمران خان د دې خيالاتو څرګندونه هاٶسنګ٬ كنسټركشن اېنډ ډوېلپمنټ لپاره د نېشنل کوآرډينېشن کميټۍ اوونيزې غونډې مشرۍ كولو په مهال كړې ۔ په غونډه كښې د اطلاعات وزير سېنېټر شبلي فراز، خاص مرستيالو ملك امين اسلم، ليفټېننټ جنرل(ر) عاصم سليم باجوه، سيد ذوالفقار عباس بخاري، ډاکټر شهباز ګل، د اسټېټ بېنك ګورنر ډاکټر رضا باقر، د نيا پاكستان هاٶسنګ اتهارټۍ چيئرمېن ليفټېننټ جنرل(ر) انور علي حېدر او نورو لوړ پورو ګډون وكړو۔ د هېواد ټولو لويو بېنكونو صدرانو او نمائندګانو هم په غونډه كښې ګډون كولو۔ په غونډه كښې ګډون كوٶنكو د تعميرات څانګه كښې د بېنكونو لخوا د آسان قرض او روپو وركولو په اړه په شوې پېشرفت بريفنګ وركړٶ۔ د پاكستان بېنكس اېسوسي اېشن صدر وزيراعظم ته د بريفنګ په مهال ووئيل د حكومت لخوا د تعميرات ودې لپاره د موافقو پاليسو او د بېنكونو لپاره سهولت كارۍ څخه د نجي بېنكونو ډاډګيرنه شوې ٬ ټول بېنكونه د تعميرات ودې په خاص توګه د كم آمدن او د مېنځني آمدن لرونكو كسانو ته د كور سهولت وركولو كښې خپل كردار ترسره كولو لپاره عزم لري۔ د پنجاب بېنك صدر او د الفلاح بېنك صدر د نيا پاكستان هاٶسنګ پروګرام له مخې د كورونو جوړولو لپاره په معرفي كړو پراډكټس بريفنګ وركړو۔ د نورو بېنكونو صدرانو وزيراعظم ته ووئيل د تعميرات ودې په اړه د بېنكونو لخوا پراډکټس جوړ كړې شوي كوم چې به ډېر زر معرفي كړے شي۔ وزيراعظم د بېنكونو لخوا د تعميرات څانګه كښې فعاله كردار لوبولو په عزم د اطمينان څرګندونه كولو سره ووئيل د تعميرات څانګه د معيشت د ودې ضامن ده، دې څانګې سره به بېنكونو ته د ګټور كاروبار بې شمېره موقعې ترلاسه شي۔ وزيراعظم ووئيل د حكومت لخوا د ټولو بېنكونو تحفظات لرې كړې شوي ٬ د بېنكونو لخوا په وركړے كېدونكو قرضونو د حكومت لخوا د اعلان كړې سبسډي وركولو لپاره مركزي بېنك اختيار مند جوړ كړے شوے۔ د فورکلوژر قوانين د معاملې موثره پېروي روانه ده ۔ وزيراعظم عمران خان بېنكونو ته امر وكړو چې د كرونو جوړولو په اړه درخواستونه آسان كړئ دغسې چې د كم او مېنځنې آمدن لرونكې كسان دې سهولت څخه زيات مستفيد شي۔
