اسلام آباد 03 ستمبر (اے پی پی) د صدر ډاكټر عارف علوي په مشرۍ كښې د پاكستان د ماهي ګيري پالېسۍ په اړه غونډه د زيارت په ورځ ايوان صدر كښې وشوه۔د ايوان صدر د مېډيا څانګې لخوا جاري شوي بيان له مخې په غونډه كښې د سمندري چارو وفاقي وزير علي حېدر زيدي٬د ميري ټائم چارو سېكرټري رضوان احمد او د وزارت اعلٰی چارواكو ګډون وكړو۔په غونډه كښې د سمندري چارو وفاقي وزير صدر د ماهي ګيري د څانګې د چېلنجونو او ستونزو نه خبر كړو۔غونډې ته په خپله وېنا كښې صدر ډاكټر عارف علوي ووئيل په هېواد كښې ماهي ګيري ته وده وركولو ته ضرورت دے۔ده ووئيل د پاكستان د ماهي ګيري څانګه د زياتې زرمبادله ګټلو او د روزګار د پراخا موقعو پېدا كولو صلاحيت لري۔ده ووئيل په پاكستان كښې د نړيوال معيار له مخې د ماهي ګيرۍ طريقې خپلولو سره به د پاكستان برآمد كونكو نوو ماركيټونو ته رسنه ترلاسه شي او دې سره به قامي برآمدات زيات شي
