كوئټه 14 اکتوبر(اے پی پی) د كشمير كمېټۍ چيئرمېن شهريار آفريدي وئېلي دي په هېواد كښې موجوده ګراني په تېر وخت كښې د اخستلې شوي پور سوب دے٬وزيراعظم عمران خان د بلوچستان وګړو لپاره اميد دے٬نن سول٬ملټري قيادت يو موټے دے او تر ټولو لويه خبره د پاكستان په مثبت پلو روانېدل دي ٬هغه كسان چا چې ادارې لوټ كولې او د اولس د حقونو خلاف ورزي يې كوله هغه دور تېر شوے۔د دې خيالاتو څرګندونه ده د شورو په ورځ كوئټه كښې خبري كنفرنس ته وكړه۔ده ووئيل وزيراعظم وژن لري چې د پاكستان امن افغانستان سره تړلے دے٬نن افغان امن عمل د وزيراعظم په ھڅو روان دے۔د چين په مرسته سي پیك پروژه بشپړېدونكې ده٬د لر او بر غږ پورته كوونكو چرې هم د هند او مقبوضه كشمير په ظلمونو غږ نه دے پورته كړے۔ ده ووئېل دښمن په افغانستان كښې دننه د پاكستان دښمنه سوچ راپیدا كوي۔افغانستان ته ټول سامان د پاكستان د لارې ځي٬ د سنټرل اېشيا ګيټ وے بلوچستان دے۔ ده ووئېل نن د پاكستان په اړه وزيراعظم ښې پالېسۍ ےامخې ته كوي ۔ده ووئيل نړۍ د وزيراعظم عمران خان ستائنه كوي٬په پاكستان كښې سرمايه كاري راغلې٬برآمدات زيات شوي٬د قرض وركول ستنول شوي۔ده ووئيل د وزيراعظم عمران خان په ملګرو ملتونو كښې د خطاب نه پس اپوزېشن رابېدار شوے۔د اپوزېشن په 26 نكاتو كښې كشمير شامل نه دے ۔ ده ووئېل نواز شريف چې كوم بيان وركړے هغې سره ټولې ادارې ځپلې شوي۔ده ووئيل د پلار بچ كولو كمپائن چلېدے نه شي
