ګلګت 24 نومبر (اے پی پی) الیکشن کمیشن په ګلګت بلتستان كښې د ميرمنو لپاره په خاص كړو 6 چوكو او د ټیکنوکریټس د 3 کامیابو كانديدانو حتمی فهرست جاری کړے ۔ د دې فهرست له مخې پاکستان تحریك انصاف ته د ميرمنو 6 چوكو كښې 4 ترلاسه شوي،دغسې د ټیکنوکریټس په 3 چوكو ورته 2 ترلاسه شوي۔ په مجموعي توګه پاکستان تحریك انصاف ته په 33 غړو كښې ګلګت بلتستان اسمبلۍ كښې 22 چوكۍ ترلاسه شوي ٬ مجلس وحدت المسلمین كوم چې د پاکستان تحریك انصاف اتحادی ګوند دے هغوي ته هم ټاكنو كښې يوه چوكۍ ترلاسه شوې ۔دغسې پاکستان تحریك انصاف په مجموعي توګه د 23 غړو حمایت ترلاسه دے۔پاکستان پیپلز پارټي د ميرمنو لپاره په مخصوص چوكو كښې يوه او د ټیکنوکریټ هم يوه چوكۍ ترلاسه شوې دغسې ټاكنو كښې پی پی پی ته درې چوكۍ ترلاسه شوي او دې نه پس ګلګت بلتستان اسمبلۍ كښې د هغوي مجموعي شميره 5 ته رسيدلې۔پاکستان مسلم لیګ ن هم ميرمنو لپاره په خاص كړو چوكو كښې يوه ترلاسه كړې او دغسې ټاكنو كښې د دغې ګوند دوه كانديدان كامياب شوې چې ورسره مجموعي شميره درې ته رسيدلې
