اسلام آباد۔ 25 نومبر(اے پی پی) د اطلاعات او خپرونو و فاقي وزير سېنېټر شبلي فراز وئيلي دي سي پېك به د پاكستان سره سره ګردې منطقې لپاره ګېم چېنجر ثابت شي۔ سي پېك منصوبې څخه به پاكستان او چين دواړه استفاده وكړي۔ سي پېك سره به په مجموعي توګه د 2.3 ملینه ملازمتونو موقعې رامخې ته شي چې ورسره به جي ډي پي 2.5 فيصده د كال زياته شي۔ چين پاكستان اقتصادي راهدارۍ (سي پېك) په خپل اولني پړاؤ (2015-2020) كښې د يادونې وړ پرمختګ كړے۔ ده د شورؤ په ورځ د سی پېک چېلنجز او موقعو په سرخط قومي سيمينار ته خطاب كولو۔ دستورې ته خپل خطاب كښې وفاقي وزير سېنېټر شبلي فراز ووئيل په سي پېك منصوبه كښې سړكونه ٬ د رېل نظام ٬ بندر ځايونه ٬ د تېل او ګېس پائپ لائنز ٬ آپټيكل فائبر غزول ٬ خاص اقتصادي زونز جوړول ٬ د پولې پورې غاړه د تجارت او مرستې مركزونه او د آزاد تجارت لوظنامې شامل دي۔ وفاقی وزیر ووئيل د تګ راتګ بنيادي اډانې او د توان څانګې زياتره منصوبې په كاميابۍ سره مخ په وړاندې تللې۔ ده ووئيل رشکئی (کے پی کے) ، علامه اقبال صنعتی ښار (پنجاب) او دھابیجی (سندھ) كښې د خاص اقتصادي زونز پرمختګ ته پام لرنه كېږي او د روان كال مهال به په دې كار پېل شي۔ دې سره سره د 1124 مېګاواټ کوهالا (اېچ پی پی ) او د مېن لائن ون 1 (ML-1) ستراتيجيكي منصوبې هم د دويم پړاؤ برخې دي۔ ده ووئيل د پاكستانۍ ميډيا مننه كوم چا چې د سي پېك په ضد ډنډوره ناكامولو او د منصوبې د قومي ملكيت تصور ته وده وركولو كښې مهم كردار ترسره كړے
