اسلام آباد 23 جون (اے پي پي) د پنجاب حكومت وياند ډاكټر شاهد صديق خان وئيلي دي چې د كورونا وائرس د وبا په ضد په دې سخت وخت كښې پاك پوځ، رېنجرز، پوليسو او نورو ادارو مثالي خدمات ترسره كړي دي، بايد ټول قوم د كورونا وائرس په دې سخت صورتحال كښې د حكومت او پاك پوځ مرسته وكړي، حكومت او د روغتيا وزارت د كورونا وائرس د وبا په ضد مضبوط كردار ترسره كوي. اپوزيشن په هېواد كښې يره خپروي. په خپل يو بيان كښې ده ووئيل چې د كورونا وائرس د وبا په ضد په دې سخت وخت كښې د پاكستان پوځ، رېنجرز او د پوليسو پشمول نورو ادارو مثالي خدمات ترسره كړي دي. هېواد او قوم لپاره خدمات ترسره كوونكي كله هم نه شي هېرېدے. ده ووئيل چې د وائرس بريد كوم هم حكومت لپاره وړومبې تجربه ده او د پي ټي آئي حكومت سره د دې هم په وخت او درست اقدامات كړي دي. وفاق د كورونا وائرس د وبا نه بچ كېدو او د ځپليو د بحالې پشمول د مستحق كورنيو مرستې لپاره هر هغه يو قدم پورته كړے كوم چې ضروري و.
