پېښور 13 اګست (اے پي پي) وزيراعظم عمران خان پېښور كښې د بي آر ټي منصوبې پرانسته كړې ده ۔ د زيارت په ورځ وزيراعظم عمران د پېښور دوره كړې او هلته ئې د بي آر ټي منصوبې پرانسته وكړه۔ د پرانستې دستورې په مهال د خېبرپښتونخوا وزيراعليٰ محمود خان او ګورنر شاه فرمان نه سره د وفاع وزير پروېز خټك٬ د مذهبي چارو وزير پير نورالحق قادري او صوبائي وزيران هم موجود وو۔ وزيراعظم عمران خان له په دې موقع د منصوبې په اړه بريفنګ وركړے شو٬ وزيراعظم ته ووئيل شول منصوبې سره به د پېښور او خوا اوشا سيمو وګړو ته د سفر جديد اسانۍ ترلاسه شي، د بي آر ټي منصوبې د پرانستې دستوره په څوكنو ډپو كښې وشوه٬ د بي آر ټي فاصله 27 كلوميټره، سټاف ټو سټاف كرايه لس روپۍ او د بشپړ سفر كرايه به 50 روپۍ وي٬ د يو سټېشن نه تر بل سټېشن فاصله 850 ميټره ده٬ وزيراعظم ته ووئيل شول د حكومت لخوا د بي آر ټي بس سفر لپاره وګړو ته يوازې په دريو ورځو كښې 80 زره ويړيا كارډز وركړې شوي۔ په بي آر ټي منصوبه كار اكتوبر كال 2017 كښې پېل شوے ٶ او په شپږو مياشتو كښې د دې د بشپړولو اعلان شوے ٶ، خو د شپږ مياشتې تېرېدو نه پس كار بشپړ نه شو او بل تاريخ وركړے شو او د دې نه پس د تاريخونو د بدلولو سلسله جاري وه ٬ سږ كال په آخري ځل د مواصلات صوبائي وزير منصوبه په جون 2020 كښې د بشپړولو اعلان كړے ٶ٬ د بي آر ټي منصوبې روټ بشپړ شوے خو كوريډور سره متصل كمرشل پلازے او نورې ودانۍ د كرونا وباء په سوب بشپړې نه كړې شوې، كومې چې زر د بشپړېدل امكان لري
