اسلام آباد 25ستمبر(اے پي پي) د هند سينئر سفير خارجه دفتر ته رابللے شوے او ورته په 24م ستمبر د هندي قابضو ځواكونو لخوا د کنټرول لائن (اېل او سي) په بروح سېكټر كښې د جنګ بندۍ په خلاف ورزۍ او ناتاره ډزو احتجاج رېكارډ كړے شوے ۔ د جمعې په ورځ د خارجه دفتر وياند له مخې د هند سفير خارجه دفتر ته راوبللے شو او ورته احتجاجي مراسله وركړې شوه او ورته ووئيل شول چې هندي قابض ځواكونه د اېل او سي او وركنګ باٶنډري مسلسل خلاف ورزۍ كوي او د آرټلري او اټومېټك وسلو د لاره سول آبادۍ په نښه كوي۔ هندي سفير ته ووئيل سول آبادۍ قصداً په نښه كول د افسوس وړ ٬ د انساني عزت٬ نړيوالو بشري حقونو او د نړيوال بشري قوانين بيخي خلاف ورزي ده او د دجنګ بندۍ دې خلاف ورزيو سره سيمه ايز امن او سلامتيا سنګيين خطر سره مخ ده چې نتيجه ئې په ستراتېژك غلطۍ كښې رامخې ته كېدې شي۔ هند سږ كال 2340 ځل د جنګ بندۍ خلاف ورزۍ كړې چې پكښې 18 بې ګناه وګړي شهيدان او 187 ژوبل شوي۔ د هند سفير خبر كړے شو په اېل او سي تاو تريخوالي سره هند په مقبوضه كشمير كښې د بشري حقونو د سنګينو خلاف ورزيو څخه د نړۍ پام نه شي اخوا كولے۔ په هند زور رواړلے شو جې ھغوي د كال 2003 د جنګ بندۍ د لوظنامې پابندي وكړي او د جنګ بندۍ د دې پېښو پلټنې وكړي٬ خپلو ځواكونو ته د جنګ بندۍ د احترام امر وكړي، په اېل او سي او ورکنګ باونډري دې امن په ځائ وساتلے شي او د ملګرو ملتونو د سلامتي كونسل د قراردادونو له مخې دې د يو اېن پوځي مبصرينو (يواېن اېم او جي آئي پي) ته د كردار لوبولو اجازه وركړي
