اسلام آباد 10 جولائي (اے پي پي) د ووېمن پارليمنټري کاکس د عمومي اسمبلۍ غونډه د شورو په ورځ د ووېمن پارليمنټري كاكس عمومي سېكترې ډاکټر شاهده رحماني په مشرۍ كښې وشوه چې پكښې د پارلمان ښځينه غړو په لويه شمېره ګډون وكړو۔ د وويمن پارليمنټري کاکس غړو ډاکټر شاهده رحماني ته د كاكس د عمومي سېكترې په ذمه وارو سنبهالولو مباركي وركړه۔ په غونډه كښې د وويمن پارليمنټري کاکس کارکردګي لا ښه او فعاله كولو لپاره تجويزونه وړاندې كړې شول۔ په غونډه كښې د بي آئي اېس پي چيئرپرسن روبينه خالد په خاص توګه ګډون وكړو۔ د پارليمنټري وويمن کاکس غړو د مېرمنو د مسئلو حل كولو په ضرورت زور رواړو۔ غړو ووئيل چې د مېرمنو مسئلو حل لپاره د بېظير انكم سپورټ پروګرام كښې سپېځلتيا او د دې دائره كار پراخه كول ضروري دي٬ د کاکس غړو د بي آئي اېس پي په چيئرپرسن زور راوړو چې هغه دې د حاجت مندو او مستحق مېرمنو مسئلې په ترجيحي بنيادونو حل كولو له اقدامات وكړي۔ د بي آئي اېس پي چيئرپرسن باور وركړو چې مستحق مېرمنو ته به د بېنظير انكم سپورټ پروګرام لخوا مالي مرسته د هغوي تر درشل رسولې شي۔
