اسلام آباد – 13 – آڪٽوبر (اي پي پي) نگران وزيراعظم انوارالحق ڪاڪڙ اڄ جمعي ڏينهن پشاور جو هڪ ڏينهن جو دورو ڪندو. وزيراعظم آفيس جي ميڊيا ونگ پاران جاري بيان موجب نگران وزيراعظم شهيد ڪمانڊنٽ فرنٽيئر ڪانسٽيبلري صفت غيور جي قبر تي حاضري ۽ فاتحه خواني ڪندو. دوري دوران نگران وزيراعظم خيبرپختونخواهه جي گورنر ۽ نگران وڏي وزير سان ملاقات پڻ ڪندو، نگران وزيراعظم امن امان جي حوالي سان اجلاس جي صدارت ۽ سرحد چيمبر آف ڪامرس اينڊ انڊسٽري جي وفد سان پڻ ملاقات ڪندو.
