اسلام آباد – 02 – نومبر (اي پي پي) اطلاعات ۽ نشريات واري نگران وفاقي وزير مرتضيٰ سولنگي ڪالهه خميس ڏينهن سي اي او انويسٽمينٽ سمٽ ۾ شرڪت ڪئي. تقريب ۾ بزنس ڪميونٽي جي پسنديده ڪتاب هنڊريڊ بيسٽ پرفارمنگ سي اي اوز اينڊ ڪمپنيز آف پاڪستان جاري ٿيو. سي اي او ڪلب پاڪستان جي باني ۽ صدر اعجاز نثار اطلاعات واري نگران وفاقي وزير کي ڪتاب تحفي ۾ ڏنو. ڪتاب ۾ مقامي ۽ عالمي سطح تي ڪم ڪندڙ 100 پاڪستاني سي اي اوز جي ڪاميابي تي ٻڌل اسٽوريز شامل آهن، جن سمورين مشڪل حالتن ۾ سڄي دنيا ۾ پاڪستان جي مثبت تصور کي اجاگر ڪيو.
