اسلام آباد – 06 – ڊسمبر (اي پي پي) صدر آصف علي زرداري ميجر شبير شريف شهيد نشان حيدر کي 53هين شهادت جي ڏهاڙي تي خراج عقيدت پيش ڪيو آهي. ايوان صدر جي پريس ونگ موجب صدر ميجر شبير شريف شهيد جي جرئت ۽ بهادري کي ساراهيندي چيو ته قوم سمورن شهيدن جي قربانين جي معترف آهي ۽ اها انهن کي ڪڏهن به نه وساريندي. هن چيو ته ميجر شبير شريف شهيد 1971ع ۾ دشمن جو بهادري سان مقابلو ڪيو. ميجر شبير شريف شهيد جهڙن بهادر آفيسرن تي سڄي قوم کي فخر آهي. صدر چيو ته ميجر شبير شريف شهيد ملڪ جي دفاع لاءِ جان جو نذرانو پيش ڪيو. سڄي قوم کيس ملڪ جي لاءِ قرباني ۽ بهادري تي سلام پيش ڪري ٿي. صدر آصف علي زرداري ميجر شبير شريف شهيد جي درجن جي بلندي لاءِ دعا ڪئي.
