اسلام آباد 15 دسمبر(اے پي پي) د خارجه دفتر وياند ډاكټر فېصل وئيلي دي چې د مودي حكومت د پاكستان د موثره خارجه پالېسې له امله په وروستو تللو مجبور شوے، پاكستان او سعودي د مذهب او كلتور قوي تاريخي د ورورولې اړيكې لري. د راډيو پاكستان په پروګرام كښې په خپلو خبرو كښې د خارجه دفتر وياند ووئيل چې د وزيراعظم عمران خان د سعودي دورې سره به د دواړو هېوادونو په اړيكو مثبت آغېز وشي او دا به لا قوي شي. ده ووئيل چې پاكستان په مقبوضه كشمير كښې د سختو بندېزونو له امله پېدا شوې صورتحال او د هند ظلمونه نړيوالې ټولنې او په خاص توګه اسلامي امت ته په موثر ډول وړاندې كوي. ده ووئيل چې د بندېزونو او محاصره په وجه په مقبوضه كشمير كښې د خوراك، داروګانو او د نورو بنيادي ضرورياتو كمې دے.
