اسلام آباد 22 فروری (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د اېف اے ټي اېف د بلېك لسټ كېدو خوب ليدونكي هند هڅې شنډې شوې، د آئرن برادر چين مننه كوو چې د پاكستان ئې بشپړه ملګرتيا وكړه. د خالي په ورځ په ټويټر په خپل ټويټ كښې د وزيراعظم د ا طلاعاتو او خپرونو خاص مرستيالې ووئيل چې پاكستان يو ذمه وار رياست دے، د ترهګرې په ضد جنګ كښې مونږ لوئې قربانې وركړې دي. هغې ووئيل چې په اېف اے ټي اېف كښې د پاكستان د اقداماتو ډاډګېرنه هېواد لپاره ښه او دښمنانو لپاره بد خبر دے. د اېف اے ټي اېف غړو د پاتې اهدافو ترسره كولو لپاره د پاكستان د عزم ستائنه كړې كوم چې د پاكستان د هڅو اعتراف دے.
