اسلام آباد 14 مارچ (اے پی پی)د قامي اسمبلۍ سپیکر اسد قیصر د ایئرلائنز د اړخه سعودی عرب ته تلونكو مسافرو څخه د زياتې كرايه په وصولولو د تشویش څرګندونې سره وئيلي په دې سخت وخت سعودی عرب ته تلونكو پاکستانیانو له دې هر ممكن آسانۍ وركول باوري كړې شي۔ د سعودی حکومت د کرونا وائرس له امله د سعودی عرب څخه بهر پاکستانیانو له 72 ساعتونو كښې سعودی عرب ته د بيرته راتللو ډيډلائن وركړې دې، سعودی عرب ته تلونكو ټولو پاکستانیانو څخه ایئرلائنز د زياتې كرايه اخستلو ګيلې كوي په دې سپیکر اسد قیصر د هوا بازۍ وزیر غلام سرور خان سره تماس ونيولو او په زياته كرايه ترلاسه كولو ئې د تشویش څرګندونه وكړه۔ اسد قیصر ووئيل په دې سخت وخت كښې سعودی عرب ته تلونكو پاکستانیانو لپاره دې هر ډول آسانۍ وركول باوري كړې شي۔ سپیکر ووئيل په داسې وخت كښې د ایئر لائنز د اړخه زياته كرايه ترلاسه كول د افسوس خبره ده۔ د هوا بازۍ وزیر غلام سرور خان سپیکر ته سعودی عرب ته د تلونكو پاکستانیانو لپاره د خاص پروازونو چلولو باور وركړو۔ ده ووئيل مسافرو لپاره سعودی عرب ته بيرته تللو له به 6 اضافی خاص پروازونه چلولې شي۔
