اسلام آباد 27 مارچ (اے پي پي) خارجه وزير مخدوم شاه محمود قرېشي په مشرۍ كښې د كرونا وائرس وباء مخنيوي په اړه د جمعې په ورځ د لوړې كچې غونډه وشوه۔ په غونډه كښې بهر هېوادونو كښې د پاكستانيانو زر تر زره د راوستلو لپاره د بېلا بېلا اړخونو جاج واخستې شو۔ په غونډه كښې د هوابازۍ وفاقي وزير غلام سرور خان، قامي صحت لپاره د وزيراعظم خاص مرستيال ډاکټر ظفر مرزا، اورسيز پاكستانيانو لپاره مرستيال سيد ذوالفقار بخاري، نېشنل سېكورټي لپاره خاص مرستيال ډاکټر معيد يوسف، خارجه سېكتر سهېل محمود، د هوابازۍ ډويژن سېكتر حسن ناصر جامي، د اېن ډي اېم اے چيئرمېن ليفټيننټ جنرل محمد افضل، د اېن آئي اېچ اېګزيکټو ډائريکټر جنرل عامر اکرام، د شوكت خانم سي اي او ډاکټر فېصل سلطان او د خارجه وزارت سينئر چارواكو په غونډه كښې ګډون وكړو ۔ په دې موقع شاه محمود قرېشي ووئيل وزيراعظم عمران خان په مشرۍ كښې د نېشنل کوآرډينېشن کمېټۍ غونډه كښې په دې لړ كښې په مهمو مسئلو تفصيلي مشاورت شوې۔
