اسلام آباد ۔ 29مارچ (اے پی پی) د نېشنل ډیزاسټر مېنجمنټ اتھارټی چیئرمېن لېفټېننټ جنرال محمد افضل وئيلي دي چين د كورونا وائرس دلاسه په رامخې ته شوي آزمائش كښې هم د پاكستان د ريښتني ملګري كېدو ثبوت وركړې دې۔ د اتوار په ورځ د چين حكومت لخوا د رالېږلې شوي سامان ترلاسه كولو څخه وروستو ميډيا سره خبرو كښې ده ووئيل مونږ په دې سخت وخت كښې په مرسته كولو د چين حكومت او اولس مننه كوؤ۔ د اېن ډي اېم اے وياند له مخې د كورونا وائرس خپرېدو مخنيوي او په دې د قابو موندلو مشن په زړه پوې ډول روان دے۔ په دې لړ كښې چين د پاكستان مرسته كوي او دې مقصد لپاره چين څخه د مرستې سامان راوړلو سره يوه بله الوتكه اسلام آباد ته رارسېدلې ده۔ د اېن ډي اېم اے وياند ووئيل ووهان څخه راغلي خاص پرواز كښې نزدې 6 ټنه سامان رالېږلې شوې دې۔ په سامان كښې 15 ونټی لېټرز، ماسک او نور طبي او حفاظتي سامان شامل دې۔ پاکستان كښې د چين سفير د مرستې دا سامان د اېن ډي اېم اے چيئرمېن لفټېننټ جنرال محمد افضل ته سپارلې دې
