اسلام آباد 17 جون (اے پي پي) وزيراعظم عمران خان وئيلي دي په دننه سندھ كښې د اوسېدونكو خلقو د ستونزو احساس لرو، هم دا سبب دے چې وفاقي حكومت د احساس كېش په پروګرام كښې سندھ لپاره اضافي فنډ بېل كړے، د تحريك انصاف كاركنان دې په خپلو سيمو كښې د كورونا وبا څخه د بچ كېدو احتياطي تدابيرو په اړه كردار ترسره كړي. ده دا خبرې د شورو په ورځ په لاړكانه كښې د پي ټي آئي كاركنانو سره د ملاقات په مهال وكړې. كاركنانو د وزيراعظم لخوا د دننه سندھ په دوره كولو د خوشحالې څرګندونه وكړه. كاركنانو غريبې او مزدور طبقې لپاره په سندھ كښې د اېمرجنسي كېش پروګرام په اجرا وزيراعظم ته پېرزوئنې وړاندې كړې. په دې موقع وزيراعظم عمران خان په خپلو خبرو كښې ووئيل په دننه سندھ كښې د اوسېدونكو خلقو د ستونزو احساس لرو او د دې محرومې احساس لرې كولو لپاره ئې د لاړكانه دوره كړې ده ۔ ده ووئيل په سندھ او په خاص توګه په دننه سندھ كښې د غربت ادراك لرلو سره وفاقي حكومت د احساس كېش په پروګرام كښې سندھ لپاره اضافي فنډ بېل كړے۔ وزيراعظم كاركنانو ته تاكيد وكړو چې په خپلو سيمو كښې د كورونا نه د بچ كېدو په اړه احتياطي تدابيرو لپاره كمپائن وچلوي
