اسلام آباد ۔ 5 اګست (اے پی پی) د هند لخوا مقبوضه كشمير كښې د 5 اګست اقدام يو كال په ترسره كېدو د استحصال ورځې په لړ كښی د كشمير او ګلګت بلتستان وزارت تر اهتمام لاندې لاريون وكړے شو كوم كښې چې په ګڼ شمېر عامو وګړو ګډون وكړو۔ د شورؤ په ورځ د استحصال ورځې په لړ كښې كشمير سره د يووالي لاريون كنونشن سنټر څخه پېل كړے شو۔ لاريون كښې ګډون كوؤنكو د كشميريانو حق له نعرې وهلې۔ دوي د تېر كال 5 اګست هندي ګامونه مسترد كړل۔ لاريون ته خپل خطاب كښې وفاقي وزير امين علي ګنډاپور ووئيل 5 اګست 2019ء د مقبوضه كشمير په تاريخ كښې يوه توره ورځ ده۔ تېر كال په دې ورځ هند يو وارې بيا د ټولو نړيوالو قانونونو او د ملګرو ملتونو د قراردادونو خلاف ورزي كړې ده ۔ علی امین ګنډاپور ووئيل هند په غېر قانوني توګه په مقبوضه كشمير د خپلې ناجائزه قبضې لا مضبوطولو د غندنې وړ هڅه كړې ۔ هندي ګامونه د آر اېس اېس هندوتوا سوچ عکاسی كوي۔ ده ووئېل د هندي ګامونو مقصد اقليتونو او په خاص توګه مسلمانانو سره امتيازي سلوك كول دي۔ ده ووئيل د لكھونو په شمېر كشميريان خپلو كورونو كښې بنديوان كړے شوي او مقبوضه كشميرد نړۍ په لوي زندان بدل كړے شوے
