اسلام آباد ۔ 15 اګست (اے پی پی) د 74 مې آزادۍ ورځې مناسبت سره د آسټرېليا سډني ښار كښې د بېرغ هسك كولو دستوره وشوه۔ دستوره كښې قونصل جنرل محمد اشرف او ډپټی قونصل جنرل محمد شهریار خان مندوخېل د خصوصي مېلمنو په حېث ګډون وكړو۔ قونصل جنرل محمد اشرف دستورې ته خپل خطاب كښې ووئيل د قائداعظم په هداياتو عمل كولو سره مونږ پاكستان د آسيا ټائيګر جوړولے شؤ۔ مونږ له به يو قام جوړېدو سره د يووالي څرګندونه كول وي دغسې چې د هېواد تقدير بدل كړؤ۔ دستورې ته خپل خطاب كښې ډپټی قونصل جنرل محمد شهریار خان مندوخېل ووئيل دا هېواد زمونږ پېژندګلو ده او مونږ له به ټول اختلافات يو اړخ ته كولو سره د خپل هېواد او قام پرمختګ له سوچ كول وي۔ ده ووئيل نن هند د كشمير په بې ګناه اولس ظلم او زياتې كوي۔ مونږ ددې ظلم مقابله يو موټې كېدو سره كولې شؤ۔ دستوره كښې ګڼ شمېر پاكستانيانو ګډون وكړو۔ ددستورې په پايه كښی د هېواد سلامتيا او پرمختګ له اجتماعي دعا وكړې شوه
