انقره 24 اګست (اے پي پي) صدر ډاكټر عارف علوي نړيوالې ټولنې ته وئيلي د هند په غېر قانوني مقبوضه جمو كشمير كښې د بشري حقونو څخه د سرغړونو نوټس واخلئ چرته چې د هند حكومت بدتره لاك ډاٶن نافذ كړے او بې ګناه خلق د بشري حقونو بدترينه سړغړونو سره مخ كولے شي. ده دا خبرې په ګل په ورځ ايوان صدر كښې د بين الپارلماني يونين ﴿آئي پي يو﴾ مشرې مېرمن ګېبريلا كوئيوس بېرن سره د ملاقات په مهال وكړې. صدر ووئيل هند د كشمير په بې ګناه خلقو د ترهګرې راج مسلط كړے او د مقبوضه كشمير خلق ئې په اذيت اخته كړي كومه چې د ملګرو ملتونو د قراردادونو څرګنده خلاف ورزي ده. ده هيله څرګنده كړه چې آئي پي يو به د مقبوضه جمو كشمير د خلقو د حقونو تحفظ لپاره خپل كردار ترسره كړي. صدر په دوره راغلي معززين د حكومت د سمارټ لاك ډاٶن پالېسې څخه هم خبر كړل د كومې په نتيجه كښې چې د كووېډ 19 د وبا په چېلنج قابو موندلے شوے. په دې موقع ګېبريلا كوئيوس بېرن ووئيل د هغې هېواد د شريكې خوښې په څانګو كښې د نزدې اړيكو ودې لپاره پاكستان سره په ګډه كار كول غواړي. دواړو ډلو د دواړو هېوادونو د اولس په ګټه په ټولو څانګو كښې د دوه اړخيزه اړيكو لا مستحكم كولو په ضرورت زور راوړو. صدر هيله څرګنده كړه چې د آئي پي يو د مشرې لخوا د پاكستان دوره به د پاكستان د پارلمان او د آئي پي يو د غړو پارلمانونو ترمېنځه د پارلماني اړيكو مستحكمولو له مرسته كوونكې ثابت شي. د ملاقات په مهال د سېنېټ چيئرمېن محمد صادق سنجراني او سېنېټر مرزا محمد آفريدي هم موجود وو.
