اسلام آباد 03 ستمبر (اے پي پي) پاکستان د ملګرو ملتونو د بندېزونو كمېټۍ څخه غوښتنه كولو سره وئيلي دي چ په ترهګرۍ كښې د لاس لرلو د ټولو شواهدو وركولو باوجود د ملګرو ملتونو لخوا هندي دوه وګړي د ترهګرو په فهرست كښې نه شاملول د افسوس وړ خبره ده۔ د زيارت په ورځ د خارجه دفتر وياند زاهد حفيظ چوهدري د اوونيز بريفنګ په مهال ووئيل مونږ په دې افسوس لرو چې دوه هندي وګړي ګوبندا پټ نائك او انګارا اپاجي د ملګرو ملتونو د بندېزونو كمېټۍ د ترهګرو په فهرست كښې نه دي شامل كړي٬ دا هندي وګړي په پاكستان كښې مېشته دي او پاكستان كښې د ترهګرۍ په پېښو كښې ككړ دي ٬ پاكستان په ترهګرۍ كښې د ككړتيا پحقله ټولو شواهد ملګرو ملتونو له وركړي خو بيا هم دوه هندي وګړي د ترهګرو په فهرست كښې نه دي شامل كړې شوي ۔ وياند ووئيل پاكستان به د هند لخوا د ټي ټي پي او جے يو اے غوندې د ترهګرو تنظيمونو ملاتړ بې نقابه كوي۔ وياند ووئيل په مقبوضه كشمير كښې د هند قابض پوځ لخوا د محاصرې 395 ورځې تېرې شوي او د تېر يو كال په مهال 364 كشميريان شهيدان كړې شوي۔ وياند د محرم الحرام د عزادارو په جلوس د هندي قابض پوځ د وحشيانه ظلمونه غندنه كولو سره ووئيل د بي جے پي حكومت د قابضو هندي ځواكونو د ظلمونو نيغ په نيغه ذمه وارې دے۔ پاکستان د هند حكومت په مقبوضه كشمير كښې د هندۍ ژبې د نفاذ د امر سخته غندنه كوي۔ده ووئېل د دې اقدام مقصد د كشميريانو شناخت او كلتور تباه كول دي۔ وياند ووئيل نړيوالې ورورولۍ له د غېر قانوني هندي اقداماتو او د طاقت د استعمال نوټس اخستل پكار دي۔ ده ووئيل پاكستان د بي جے پي د هندوتوا نظريې له مخې هند كښې په اقليتونو كېدونكو ظلمونو باندې سخت تحفظات لري۔ وياند ووئيل په فرانسيسي مجله كښې د ګستاخانه خاکو د بيا اشاعت په سختو ټكو غندنه كوٶ۔ ده ووئيل قصداً د كروړونو مسلمانانو جذبات ته زيان رسول د اظهار آزادي نه شي كېدې ٬ دې ډول اقداماتو سره په نړيواله كچه مذهبي همكارۍ او امن ته زيان رسي۔ وياند ووئيل د کلبھوشن ياديو په کېس كښې پاكستان د انصاف د نړيوال عدالت په پرېكړه په بشپړه توګه عملدرامد كوي او د اسلام آباد هائي كورټ هند ته د يوې بلې موقعې وركولو امر كړے۔ وياند ووئيل د کلبھوش په معامله هند ته په درېم ځل د قونصلر رسنې وړانديز شوے ۔ د يوې پوښتنې په ځواب وياند ووئيل پاكستان به د ملګرو ملتونو په كلنه غونډه كښې په بشپړه توګه ګډون كوي٬ څنګه ګډون به كوي د دې پرېكړه لا نه ده شوې خو چې څنګه حتمي پرېكړه وشي ميډيا به خبر كړے شي
