اسلام آباد 21 نومبر (اے پي پي) د مذهبي و سياسي ګوند تحريك لبيك مشر خادم حسېن رضوي د جنازې لمونځ د خالي په ورځ په لاهور كښې د مينار پاكستان په ګراٶنډ كښې ادا كړے شو. د جنازې د لمونځ امامتي د خادم حسېن رضوي مشر زوي علامه سعد رضوي وكړه. د جنازې په لمونځ كښې د مذهبي چارو وفاقي وزير پير نورالحق قادري، د رويت هلال كمېټې چيئرمېن مفتي منيب الرحمان او نورو سياسي او مذهبي مشرانو او په لويه شمېره خلقو ګډون وكړو. په دې موقع د امنيت سخت انتظامات شوي وو. د تحريك لبيك پاكستان له مخې د جنازې د لمونځ نه وړاندې د ګوند مجلس شورا د خادم حسېن رضوي مشرې زوې سعد رضوي د هغه جانشين وټاكلو. علامه سعد رضوي به د تحريك لبيك پاكستان نوے امير وي.
