اسلام آباد 22 فروري (اے پي پي) صدر ډاكټر عارف علوي وئيلي دي پاكستان جاپان سره خپلې اړيكې مهمې ګڼي، د دواړو هېوادونو شريكې ګټې لپاره تجارتي او معاشي اړيكو ته لا وده وركولو ته اړټيا ده، جاپان پاكستان كښې د كاروباري موقعو څخه ګټه ترلاسه كولې شي۔ د دې خيالاتو څرګندونه ده پاكستان كښې د جاپان سفير كوني اوري ماتسودا سره په خپلو خبرو كښې وكړه چا چې د ګل په ورځ ده سره ملاقات كولو۔ صدر د جاپان بادشاه نارو هيں تو كي په سالګره د جاپان سفير له د مباركۍ پيغام هم وركړو۔ ده ووئيل پاكستان جاپان سره د څو لسيزو راهسې ښه اړيكي لري ، پاكستان دغې اړيكو لا ودې له خوښي لري۔ده ووئيل پاكستان د پرمختګ په عمل كښې د خذمات په وجه د جاپان لپاره د خير سګالۍ جذبه لري۔ صدر عارف علوي ووئيل د دواړه هېوادونو شريكې ګټې لپاره تجارتي او معاشي اړيكو ته لا ودې وركولو ته اړتيا ده، جاپان د پاكستان معيشت او په خاص توګه كركيلې ، آټو موبائل، ټيكنالوجي او ټيكسټائل په څانګو كښې د كاروباري موقعو څخه ګټه ترلاسه كولې شي۔ ده ووئيل پاكستان د جاپان حكومت د قرض ستنولو د موخر كولو او د كوويډ 19 مخنيوي له د مرستې ستائنه كوي ۔ صدر عارف علوي د دواړو هېوادونو ترمينځه د مرستې زياتولو لپاره د اعليٰ پائې پلاوي تګ راتګ په حاجت زور راوړلو سره ووئيل د جاپان افرادي قوت ضروريات تر سره كولو له د پاكستان څخه هنرمند آئي ټي پوهان بهرتي كولې شي۔ په دې موقع د جاپان سفير د پاك بحريه د سيورې لاندي د ګڼ اړخيزه بحري مشق امن 2021 په كاميابۍ صدر له مباركي وركړه ۔ده ووئيل د پاكستان د اړخه د نړۍ بيل هېوادونه د امن شريك مقصد لپاره په يو پليټ فارم راجمع كول د ستائنې وړ اقدام دے
