اسلام آباد02ستمبر (اے پي پي) وزيراعظم عمران خان وئېلي دي چې حكومت به صنعتي پرمختګ لپاره د ملكي او غېر ملكي سرمايه كارو په لاره كښې ولاړ خنډان ختموي۔سرمايه كارو لپاره ټولې ممكنه آسانۍ رامخې ته كول د حكومت اولنۍ ترجيح ده۔د دې خيالاتو څرګندونه هغه د زيارت په ورځ په سپېشل اكنامك زونز كښې د ځايې او غېر ملكي سرمايه كارو آسانۍ لپاره د ون ونډو سروس پورټل جوړولو كښی د عملي پېشرفت په اړه غونډې ته خطاب كښې وكړه۔ غونډې ته د ون ونډو سروسز جوړولو له د بشپړه تګلارې په اړه ووئيل شو۔ په غونډه كښې اړوندو اعلٰی چارواكو ګډون كولو۔غونډې ته ووئيل شو چې د سرمايه كارۍ بورډ تر سيوري لاندې ون ونډو سروسز پورټل جوړول سرمايه كارو ته د پېښو ستونزو لرې كولو لپاره جوړولې شي۔دا پورټل به نه يوازې انتظاميې او قانوني منظورو ترلاسه كولو بلكې صنعتونو ته د آسانيو رسولو كښې هم مرستياله ثابت شي۔دې لپاره اړوندې محكمې په دوه پړاؤونو كښې په پورټل كښې شاملولې شي۔په پورټل كښې كاغذي كاروائي او ډيجيټل منظورۍ شامل دي۔غونډې ته دا هم ووئيل چې په پورټل كښې نه يوازې وفاقي څانګې بلكې صوبائي څانګې هم شامل كولې شي۔په دې موقع وزيراعظم ووئيل حكومت صنعتي پرمختګ لپاره د ملكي او غېر ملكي سرمايه كارو په لاره كښې ولاړ خنډان ختموي۔سرمايه كارو لپاره ټول ممكنه آسانۍ رامخې ته كول د حكومت وړومبۍ ترجيح ده۔ده ووئيل د پورټل په اړه ټولو همكارانو سره مشاورت او پرله پسې كوآرډينېشن دې باوري كړې شي دغسې د پورټل جوړېدل او د دې فعاله كېدل دې په ټاكلي وخت كښې باوري كړې شي
