اسلام آباد۔3مئی(اے پی پی) وزيراعظم شهباز شريف وئيلي دي چې د پاکستان او برطانيې ترمېنځه اړيكې په ګډ تاريخ كښې پېوستون لري او د دواړو هېوادونو ترمېنځه څو اړخيزه اړيكې د څو لسيزو راهسې پياوړې شوې دي۔ د شورو په ورځ د پاچا چارلس درېم د تاجپوښتنې په مراسمو د ګډون لپاره برطانيې ته تللو نه وړاندې وزيراعظم شهباز شريف په خپل ټويټ کښې ووئيل د پاکستان او برتانيې ترمينځ اړيکې په ګډ تاريخ کښې پېوستون لري او د دواړو هېوادونو ترمينځ څو اړخيزه اړيکې د څو لسيزو راهسې مضبوطې شوې دي۔ وزيراعظم ووئيل د برتانيې شاهي كورنۍ تل د پاكستان ښه ملګرتيا كړې ده۔ د پاچا چارلس III تاجپوښتنې په مراسمو د ګډون سره سره به زه د دولت مشترک مشرانو په کنفرنس کښې هم ګډون وکړم٬ په دې مهال به د نړۍ مشرانو سره د دوه اړخيزه خبرو اترو موقع هم په لاس راشي
