اسلام آباد 02 مئي (اے پي پي) صدر ډاکټر عارف علوي د حکومت او تحريك انصاف خبرو اترو كاميابۍ لپاره هيله څرګندولو سره وئيلي دي الېكشن خو په هر صورت كېدونكے دے٬ د الېكشن نه كېدو جامع جواز نشته، د پاك پوځ لخوا يو ځل بيا وئيلي شوي چې پوځ يوه غېر سياسي اداره ده٬ اولس خپلو سړكونو ته نه راوځي بلكې سياست وال ئې د آئين تحفظ لپاره فعاله كوي۔ د نهې په ورځ نجي ټي وي سره په مركه كښې صدر مملکت ډاکټر عارف علوي ووئيل د آئين نه په هېڅ صورت كښې سرغړونه نشي كېدې٬ دا وئيلې كېږي چې ټاكنو لپاره فنډز نشته خو په پرمختيائي منصوبو كار روان دے۔ ده ووئيل د هېواد دننه حالات خراب دي او نه جنګ دے چې الېكشن نشي كېدے ٬ په دې لړ كښې يو جواز د قبلېدو وړ نه دے ۔ ده ووئيل په امريكا كښې د كورنيو جګړو په مهال هم په وخت ټاكنې شوې وې ٬ دا طرز عمل جمهوري اقدار لا قوي كوي٬ ده ووئېل جمهوريت هله قوي كېږي چې په اصولو وچلېږي۔ ده ووئيل زه د تېرو لس پنځلسو كالو راهسې سپېځلو ټاكنو لپاره د اليکټرانك ووټنګ مشين معرفي كولو ملاتړ كوم خو په دې لړ كښې د اړوند فورم لخوا د سنجيدګۍ مظاهره نه كېږي ٬ دې لپاره د هر الېكشن نه پس د ټګۍ چغې راخېژي۔ ده ووئيل كوم قامونه چې نړۍ سره نه چلېږي ھغوي خپلې مسئلې نشي حل كولې او د پرمختګ په زغل كښې ورستو پاتې شي۔ ده ووئيل د 250 نه زيات بلونه ما ته رالېږلې شوي٬ د الېكټرانك ووتنګ بل پشمول په يو څو ما تحفظات لرل كوم چې د منظورۍ نه غېر بېرته لېږلې شوي۔ د يوې پوښتنې په ځواب ده ووئيل د پي ټي آئي په دور كښې د مدينې د رياست خو جوړ نه شو خو ولې د سمت تعين كول هم مهم وي۔ ده ووئيل زما او د تحريك انصاف سوچ يو دے خو د دغې په بنياد ما د دې چوكۍ سپكاوے كولو له نه دې وركړے
