اسلام آباد ۔ 10 مارچ(اے پی پی) د مذهبي چارو او مذهبونو ترمينځه د همغګۍ وفاقي وزير نور الحق قادري وئيلي دي د وزیراعظم عمران خان لخوا حج له تلونكو له پورته كړې شوي ګامونه د ستائنې وړ دي۔ د اتوار په ورځ د پي ټي وي پروګرام كښې د خيالاتو څرګندونې په مهال ده ووئيل ماته په دې ډېره خوشحالي شوې ده چې د روان كال په مهال به 2 لكه پاكستاني وګړي د حج سعادت ترلاسه كړي۔ د حكومت په هڅو سعودي عربستان حج 2019ء لپاره د پاكستان په كوټه كښې د 5 زره اضافه كړې ده۔ ده حج كښې خوښي لرونكو ته هدايت وكړو چې دوئي دې د ميډيا معلوماتي مهم څخه استفاده وكړي ولې چې دا وركشاپ او معلوماتي كمپائن به دوئي ته د حج ادا كولو صحيح طريقو څخه خبرولو سره سره دوئي ته د خوراك څښاك ٬ استوګنې او تګ راتګ په اړه هم معلومات وركړي۔ د يوې پوښتنې په ځواب كښې ده ووئيل حج له تلونكو لپاره به د معلوماتو رسنې كمپائن په ټول هېواد كښې چلولې شي او په دې لړ كښې د مذهبي چارو وزارت ټول ممكنه ګامونه پورته كوي دغسې چې د وزيراعظم د هدايت ترمخه حج له تلونكو ته د ټولو اسانيو وركړه باوري كړې شي۔ ده زياته كړه چې وزيراعظم عمران خان د ټول قوم لخوا د احترام وړ دے ولې چې هغه په ګرده نړۍ كښې د پاكستان مثبت تشخص رامخې ته كولو له بشپړه محنت سره كار كوي
