اسلام آباد 09 جولائي (اے پي پي) د وزيراعظم د خزانې او محصولات صلاحكار ډاكټر عبدالحفيظ شېخ وئيلي دي حكومت ته اقتصادي بحران په ورثه كښې پاتې شوے، د ډالر قدر په منصوعي توګه كم ساتلو لپاره فارن اېكسچېنج ته زيان رسولے شوے، د ډالر مصنوعي قدر په وجه د مسلم ليګ ن په پنځو كلونو كښې برآمدات نه دي زيات شوي، حكومت د اېف بي آر پشمول په ټولو ادارو كښې اصلاحات كوي، په دې عمل كښې به نجي څانګه هم شاملولې شي. د كورونا وبا په وجه د پاكستان معيشت ته د 3 نه تر 4 كهربه روپو زيان رسېدلے. د وبا په نتيجه كښې د نورو پرمختك كوونكو هېوادونو غوندې پاكستان كښې هم غربت او بې روزګاري زياته شوې ، په دې معامله د پوائنټ سكورنګ په ځائې حقائق او شمېرو ته كتل ضروري دي. نجي ټي وي پروګرام كښې په خپلو خبرو كښې د وزيراعظم صلاحكار ووئيل د پاكستان تحريك انصاف حكومت ته اقتصادي بحران په ميراث كښې پاتې شوے، د زرمبادله ذخيرې يوازې 9 اربه ډالره پاتې شوې وې، حكومت لپاره معيشت چلول مشكل وو. ده ووئيل د ډالر قدر په منصوعي توګه كم ساتلو لپاره فارن اېكسچېنج ته زيان رسولے شوے، د ډالر مصنوعي قدر په وجه د مسلم ليګ ن په پنځو كلونو كښې برآمدات نه دي زيات شوي . ده ووئيل په دې سختو حالاتو كښې حكومت مالياتي نظم و ضبط په ځائې ساتلو سره سختې پرېكړې كړي ، حكومت برآمدات ته پام لرنه كړې، دې مقصد لپاره برآمدي څانګې ته مراعات وركړے شوي . د روانو حسابونو خساره د 20 اربه ډالرو نه سږ كال 3 اربه ډالرو ته راوستلې شوې او ټولې نړۍ وكتل چې د پاكستان معيشت د بحران نه بهر كېږي . ده ووئيل د بهرنيو قرضونو د وركرې عمل هم پېل كړے شوے، سږ كال حكومت د تېر وخت قرض او د سود په مد كښې 2900 اربه روپې وركوي . ده ووئيل حكومت خپل خرڅونه كم كړي او د هېواد په تاريخ كښې په وړومبي ځل پرائمري بېلنس مثبت شو. ده ووئيل اوسني حكومت زياتره قرض د تېر وخت د اخستلي شوي قرض ، د سود ستنولو او د مالي خسارې كمولو لپاره اغستے۔ صدر، وزيراعظم او د كابينې پشمول نور خرڅوونه واضح كم كړے شوي۔ ده ووئيل حكومت اقتصادي پرمختګ غواړي او دې مقصد لپاره په بجټ كښې 8 لوئې پرېكړې شوې دي
