اسلام آباد 29 جولائي (اے پي پي) د قومي اسمبلۍ سپيكر اسد قېصر د ابتك چېنل بيوروچيف عارف يوسفزي په كور كښې د اور لګېدنې په پېښه كښۍ د هغه د زلمي زوي په مړينه خواښيني ښودلې. د قومي اسمبلۍ سپيكر د عارف يوسفزي په نوم د غمرازې په پېغام كښې د هغه د زلمي زوي په مړينه خواشيني وښودله او غم جنې كورنۍ سره ئې غمرازي وكړه. ده دعا وكړه چې لوي څښتن دې ارواښاد ته د خپل رحم په پلو كښې ځائ وركړي. ده غم جنې كورنۍ لپاره د زغم دعا هم وكړه.
