اسلام آباد۔13اکتوبر(اے پی پی) ګرد هیواد څخه د رجسټرډ شوو افغان كډوالو د بېرته ستنولو عمل روان دے او د ستمبر له وړومبنۍ نېټې راهسې 600 افغان كډوال هېواد ته ستانه شوي۔ د يو اېن اېچ سي آر لخوا هر وګړي ته 200 امريكائي ډالره وركولې شي۔ د نهې په ورځ د يو اېن اېچ سي آر وياند قېصر خان اے پي پي سره خبرو كښې ووئيل په پاکستان کښې مېشته د رجسټرډ شوو افغان كډوالو بېرته ستنېدو عمل د مارچ له وړومبۍ نېټې څخه په عارضي توګه ځنډولے شوے ؤ كوم چې د كووېډ 19 لاك ډاؤن ختمېدو نه وروستو د ستمبر وړومبۍ نېټې نه بیا پېل شو۔ تر دې دمه ګرد هېواد څخه د رجسټرډ افغان كډوالو 150 كورنيو په شمول 600 وګړي خپل هېواد ته رسېدلي۔ قېصر خان خپل هېواد ته تلونكو رجسټرډ كډوالو ته هدايت كړے چې هغوي دې بېرته ستنېدو لپاره د يو اېن اېچ سي آر مركزونو څخه رجسټرېشن وكړي او د تللو په حقله د ټاكلې نېټې نه يو ورځ وړاندې دې يو اېن اېچ سي آر مركزونو ته په تېلې فون كولو خپل ستتنېدل باوري كړي
