اسلام آباد۔17 جنوري (اے پی پی) نېشنل کمانډ اېنډ آپرېشن سنټر (اېن سی او سی) د كورونا وائرس په اړه تازه شمېرې جاري كړې دي چې له مخې ئې د تېرو 24 ساعتو په مهال روغتونونو كښې د وائرس 2521 نوي كېسونه رامخې ته شوي او د دې له امله 43 رنځوران مړه شوي۔ په تېرو 24 ساعتو كښې د كورونا وائروس 41 زره 191 ټېسټونه وكړے شول۔ تر دې دمه د دې وبا نه ګرد هېواد كښې 4 لکھ 73 زره 639 كسان ښه شوي۔ آزاد كشمير او بلوچستان كښې د كورونا وائرس كوم رنځور په وېنټي لېټر نشته۔ ګرد هېواد كښې د كورونا وائرس لپاره په بېلو كړې شوي وېنټی لېټرز د كورونا 334 رنځوران پراته دي۔ ګرد هېواد كښې د وائرس اېكټو كېسونو شمېره 34 زره 701 او د ځپليو 5 لکھ 19 زره 291 ته رسېدلې ده۔ تر دې دمه ګرد هېواد كښې د دې وائرس د لاسه 10 زره 951 كسان مړه شوي۔ په مجموعي توګه ګرد هېواد كښې د كورونا وائرس 73 لکھ 67 زره 622 ټېسټونه شوي۔ د كورونا درملنو له خاص كړې شويو د ګرد هېواد 631 روغتونونو كښې 2876 رنځوران داخل دي
