اسلام آباد 18 جنوري (اے پي پي) وزيراعظم عمران خان سره د ګلګت بلتستان وزيراعلٰي خالد خورشيد د ګل په ورځ ملاقات كړے. د ملاقات په مهال ټول ګلګت بلتستان د نړيوال معيار له مخې د سېلګرې مقام جوړولو په مېګا پروجېكټ تفصيلي خبرې وشوې. وزيراعظم ته ووئيل شول د پروژې له مخې به د ګلګت بلتستان د ټولو ښاريو او كلي والو سيمو د ماسټر پلان له مخې تنظيم نو كولې شي. په دې كښې د ودانيو نقشې او د دې ځاے، د كوڅو نظام، نكاسي او د څښكلو پاكو اوبو سره سره په بېلا بېلو ځايونو د سېلګرو اسانۍ لپاره د بنيادي ضرورياتو پروژې شامل دي. په پروژه كښې به ځائي آبادې ته معياري تعليم او د روغتيا پشمول بنيادي اسانۍ په ترجيحي بنيادونو وركولې شي. پروژه به ځائي آبادې لپاره د روزګار بې شمېره موقعې راپېدا كړي. پروژه په ګلګت بلتستان كښې سېلګري د اربونو ډالرو په صنعت د بدلولو صلاحيت لري. وزيراعظم د تجويز شوې پروژې ستائنه كولو سره په فرورې كښې د دې د جامع حكمت عملې وړاندې كولو هدايت وكړو.
