اسلام آباد ۔ 22 جون (اے پی پی) قومی اسمبلۍ په نصابي او درسي كتابونو او نورو دستاوېزاتو كښې د نبي كريم (ص) نوم مبارك سره د خاتم النبيين ليكلو قرارداد په يوه خله منظور كړے۔ د ګل په ورځ قومي اسمبلۍ كښې په بجټ د خطاب كولو په مهال د مسلم لیګ (ن) غړي نورالحسن تنویر د يو قرارداد مسوده وزيرمملكت علي محمد خان ته د سپارلو سره غوښتنه وكړه چې چرته هم د نبي آخر الزمان نامه راشي نو هغې سره دې خاتم النبيين ضرور وليكلے شي۔ وزیر مملکت علی محمد خان ايوان ته ووئيل د زياتره ګوندونو پارلماني لارښود موجود دي له دې كبله زه دا نكته د قرارداد په شكل كښې وړاندې كول غواړم۔ وزیرمملکت علی محمد خان متفقه قرارداد ایوان ته وړاندې كړو په كوم كښې چې ووئيلې شؤ په ټولو درسي كتابونو ٬ تعليمي ادارو او چرته چرته چې د محمد صلی الله علېه وآله وسلم نامه مباركه راځي هغې سره به لفظ خاتم النبیین ليكل او لوستل لازمي وي۔ د غونډې مشري كولو سره امجد علي خان ووئيل په آخري خطبه كښې نبي پاك صلی الله علېه وآله وسلم په ډاګه كړې وه چې زما نه وروستو به كوم نبي رانشي او زه آخري نبي يم۔ دغسې ايوان د قرارداد په يوه خله منظوري وركړه۔
