اسلام آباد ۔ 28 جولائی (اے پی پی) د سېنېټ ډپټي چيئرمېن سلیم مانډوی والا وئيلي دي پاکستان ټول عمري د ون چائنه پالېسۍ او د هانګ كانګ او تائيوان په اړه د چين د دريځ ملاتړ كړے۔ د دې خيالاتو څرګندونه ده پاكستان كښې د چين سفير ياؤجنګ سره د نهې په ورځ د ملاقات په مهال خپلو خبرو كښې وكړه۔ د سېنېټ ميډيا ډائرېكټورېټ لخوا د جاري كړي بيان له مخې د سېنېټ ډپټي
چیئرمېن ووئيل چین او پاکستان د يو بل ملاتړ كوي او د يو بل سيمه ايز دريځ تسليموي۔ د كشمير په مسئله د چين ملاتړ د ستائنې وړ دے۔ دواړو د نورو سيمه ايزو او نړيوالو چارو پشمول د هند لخوا مقبوضه كشمير كښې په پرله پسې جارحيت او هند او امريكا كښې د چينائي كاروباري هلو ځلو بندېدو په معامله د خيالاتو څرګندونه وكړه۔ د سېنېټ ډپټي چيئرمېن د دوه اړخيزه پارلماني ګروپس مؤثر او فعاله جوړولو په حاجت زور راوړو۔
