اسلام آباد 29 جولائي (اے پي پي) د اطلاعات او خپرونو وزارت وفاقي سېكرټري اكبر دراني وئيلي دي كشميريانو ته د ملګرو ملتونو د سلامتي كونسل د ګڼ شمېر قراردادونو د لارې د خپلواكۍ حق وركړے شوے، كوم چې تېر كال د اګست په پنځمه نېټه مقبوضه كشمير كښې د هند يو اړخيزه غېر قانوني اقدام سره تر پښو لاندې كړے شوے او دا بيخي د نړيوال قوانين خلاف ورزي ده. د شورو په ورځ په بهرنيو هېوادونو كښې په پاكستاني مشنز كښې د پرېس اتاشيانو، پرېس قونصلرانو او د غېر ملكي مېډيا د غونډې وروستې دستورې ته خپله وېنا كښې د اطلاعات او خپرونو وفاقي سېكرټري اكبر دراني ووئيل د ملګرو ملتونو په قرارداد نمبر 91 كښې واضح كړې شوې چې د جمو و كشمير د سباٶن پرېكړه به د ملګرو ملتونو په څارنه كښې د كشميري اولس هيلو له مخې په جموري طريقه د آزادې او بې طرفه استصواب رائې د لارې كولې شي. ده ووئيل په دې قرارداد كښې وئيلي شوي د كشميري اولس نه بغېر څوك هم د كشمير د سباٶن د پرېكړې كولو اختيار نه لري. ده ووئيل د خپلواكې حق په اړه د ملګرو ملتونو د سلامتي كونسل د پرېكړې په رڼا كښې د هند د يو اړخيزه اقدام مقصد په كشمير ناجائز قبضې ته دوام وركول دي كوم چې بيخې غېر قانوني اقدام دے او د پاكستان او كشمير اولس مسترد كړے. ده ووئيل هند چې د آر اېس اېس د نظرئې له مخې كوم اقدام كړے دې سره به په منطقه كښې كړكېچ زيات شي. ده ووئيل دوي دا ګڼله چې پاكستان به د هند په فشار كښې راشي خو دا به د دوي يوه غلطي وي او په خاص توګه په داسې وخت كښې كله چې حالات د هند په ضد دي. ده ووئيل اوس دا پوښنه راپېدا كېږي چې هند د قوم پرستې داسې اقدام ولے كړے كله چې دوي ته معلومه وه چې پاكستان او كشميرې اولس به دا پرېكړه كله هم تسليم نه كړي.ده ووئيل د مودي حكومت د هندوتوا اېجنډا خو كېدے شي چې د قوم پرستو ملاتړ ولري خو پاكستان سره د كړكېچ پېدا كولو او په كشميريانو ظلم زياتولو سره به د دوه نيوكليئر ګاونډيانو ترمېنځه كړكېچ زيات كړي كوم به چې د نړۍ امن لپاره ښه نه وي. ده ووئيل د ډيلي د پاليسو څخه نه يوازې پاكستان بلكې د هند نور ګاونډيان هم ناخوښي دي. ده ووئيل د كله نه چې په هند كښې سخت دريځي واكمن شوي ، هند په ګاٶنډ كښې د كړكېچ پېدا كوونكي په توګه رامخې ته شوے. ده ووئيل د هند جاسوس كلبهوشن ياديو په بلوچستان كښې نيولے شوے، هغه د هند په بحريه كښې د كرنل په حېث دنده ترسره كوي او د بې ګناه خلقو ژوند سره لوبې كولو سره ئې د 300 نه د زياتو ناوړه كارروائي كولو اعتراف كړے. ده ووئيل هند دا معامله د انصاف نړيوال عدالت ته يوړه او د انصاف نړيوال عدالت د پاكستان په حق كښې پړېكړه كړې او دا ئې د يو رياست په ضد ترهګري ګرځولې او هند ئې په دې كښې ككړ ګرځولے. ده ووئيل كشميرے اولس د هند عاصبانه قبضې په ضد د تېرو اوو لسيزو نه مبارزه كوي او د آرټيكل 370 او 35 اے منسوخ كېدو نه پس آزادې لپاره د دوي تحريك لا قوي شوے.
