اسلام آباد ۔ 15 مارچ (اے پی پی) پاكستان د هند لخوا د سفارتي عملې په پرله پسې تنګولو نوې ډيلي كښې هائي كمشنر مشاورت له اسلام آباد ته رابللې۔ د خارجه دفتر وياند وئيلي د سفارتكارو تحفظ اولنۍ ترجيح ده۔ د دوئي ساتنې له به هر ممكنه ګام پورته كوؤ۔ هند دې داخلي سياست او ټاكنو كښې پاكستان ككړ نه كړي۔ د ملا فضل الله او ولي الله د سر قيمت مقرر كولو په د امريكې د ګام هركلې كوؤ۔ د ترهګرو خپل انجام ته رسولو له لا سختو ګامونو پورته كولو ته اړتيا ده۔ پاكستان منطقه كښې د وسلو د زغل په ضد دے۔ د هند دې ډول ګامونو سره د سيمې امن عدم استحكام سره مخ كېدې شي او د طاقت توازن خرابېدې شي۔ هند منطقې له خطرې پېدا كوي۔ د پاكستان د ځانله كولو هندي هڅې شنډې شوي دي۔ بنګله دېش سره د سياسي مشاورت عمل په پېل كولو غور كولې شي۔ د زيارت په ورځ د اوونيز بريفنګ په مهال د خبريالانو د پوښتنو ځواب وركولو سره وياند ووئيل پاكستان د هند لخوا د سفارتي عملې په پرله پسې تنګولو نوې ډيلي كښې هائي كمشنر مشاورت له اسلام آباد ته رابللې۔ سفارتی عمله او د دوئي كوچنيان تنګولو سره هند د ويانا كنونشن خلاف ورزي كوي۔ د دوئي تحفظ او سلامتيا له چې كوم هم ګام ته اړتيا وي پورته كولې به شي۔ ده ووئيل پاكستان كښې خو د هندي سفارتكارو تنګولو يوه پېښه هم رامخې ته شوې نه ده۔ وياند ووئيل د افغان ستونزې پوځي حل ممكن نه دے۔ طالبانو سره د مذاكراتو په اړه د پاكستان دريځ ښكاره دے۔ پاکستان افغان مفاهمی عمل كښی مرستې ته چمتو دے۔ امريكا كښې د پاكستان سفير تعينات كولو په اړه وياند ووئيل د علي جهانګير صديقي معامله انتظامي ده۔ جوهر توان لپاره د نړيوالې ادارې ډي جي د پاكستان اوسنۍ دورې په اړه ديوې پوښتنې په ځواب ده ووئيل یوکیا امانو د پاكستان دورې په مهال وزیر اعظم، د پاکستان اټامک انرجی کمېشن مشر په شمول نورو چارواكو سره ملاقاتونه وكړل او د اتومي ټېكنالوجۍ سوليز كارولو په لړ كښې ئې د پاكستان د كردار او نيو كليئر سېفټي لپاره پورته كړې ګامونو ستائنه وكړه۔ وياند ووئيل بنګله دېش سره د سياسي مشاورت عمل په پېل كېدو غور كېږي
