سرینګر۔26اکتوبر(اے پی پی) د كنټرول لائن دواړو اړخونو ته او په ګرده نړۍ كښې مېشته كشميريان نن د اكتوبر 27 مه نېټه د تورې ورځې په توګه لمانځي دغسې چې نړيوالې ورورولۍ ته دا پېغام وركړے شي چې هغوي په خپل ګران هېواد د هند غېر قانوني قبضه رد كوي۔ د كشمير ميډيا سرورس له مخې د تورې ورځې لمانځلو اپيل كل جماعي حريت كنفرنس ٬ د مير واعظ عمر فاروق په مشرۍ كښې حريت فورم او نورو آزادي خوښو تنظيمونو وركړې ده۔ هند په دې ورځ كال 1947ﺀ كښې د نيمې اوچې فارمولې خلاف ورزي كولو سره او د كشميري اولس په ضد جمو وكمشير ته خپل پوځ كوزولو سره په دې ناجائزه قبضه كړې وه۔ حريت فورم سرينګر څخه جاري شوي يو بيان كښې وئيلي چې اكتوبر 1947ﺀ نه تر دې دمه د لكھونو په شمېر هندي عسكرو په جمو و كشمير غېر قانوني قبضه كړې ده۔ بيان كښی ګرده نړۍ كښې مېشته كشميريانو ته اپيل شوے دے چې هغوي دې په دې ورځ د هند په ضد او د آزادۍ په حق كښې لاريونونه وكړي دغسې چې د نړۍ پام د كشميري اولس ستونزو او د كشمير مسئلې حل پلو وګرځولے شي۔ دغسې سرينګر او نورو سيمو كښې پوسټرې او بېنرې لګولې شوي دي كومو كښې چې كشميري اولس ته د هند په ضد خپل احتجاج ريكارډ كولو له نن د نهې په ورځ د هړتال كولو وئيلي شوي دي
