اسلام آباد 13 جنوري(اے پي پي) صدر ډاکټر عارف علوي سره د ترکيه خارجه وزير مولود چاوش اولو ملاقات كړے ٬ د ملاقات په مهال د پاكستان او تركيه ترمېنځه د تجارت او كلتور په څانګو كښې دوه اړخيزه مرستې ته د لا ودې وركولو په اړه صلاح يوه شوې۔ په دې موقع صدر ووئيل په كاروبار كولو كښې د آسانۍ په نړيواله درجه بندۍ كښې د پاكستان پوزيشن ډېر ښه شوے، د ترکيه سرمايه کارو له د پاکستان د کاروبار دوست ماحول څخه ګټه پورته كول غواړي۔ صدر ډاكټر عارف علوي د مقبوضه جمو و کشمير یه مسئله د پاکستان په اصولي ملاتړ د تركيه د مشرتابه مننه وكړه ۔ صدر د ملګرو ملتونو عمومي اسمبلۍ كښې د تركيه صدر لخوا په خپل خطاب كښې د كشميريانو حق له د غږ پورته كولو هم مننه وكړه ۔ صدر د کرونا وائرس مخنيوي كښې د تركيه د نړيوال كردار هم ستائنه وكړه ۔ په دې موقع د تركيه خارجه وزير ووئېل تركيه پاكستان سره خپلې تجارتي اړيكې لا ښه كول غواړي، ترکيه به د ترك کمپنيو په پاکستان كښې سرمايه كارۍ لپاره ډاډګيرنه كوي۔ ده ووئيل تركيه به په ټولو نړيوالو فورمونو د پاكستان ملاتړ روان ساتي ۔ده ووئېل په نګورنو کاراباخ د آذربائيجان په ملاتړ تركيه د پاكستان د مرستې ستائنه كوي۔ د ملاقات په مهال دواړو د اسلامو فوبيا ، كركجنو وېناګانو او د اسلام په ضد د روادارۍ نشتوالي مخنتيوي لپاره د مشتركه اقدامات په حاجت زور رواړو۔
