اسلام آباد 15 اګست (اے پي پي) د کفايت شعارۍ د قامي كمپائن له مخې لوي اقدام كولو سره د قامي اسمبلۍ سيکريټريټ د ګريډ ون نه تر 19 220 غېر ضروري چوكۍ ختمې كړې شوي چې ورسره به قامي خزانې ته په كلنه توګه د 56 کروړه 30 لكه نه زيات بچت وشي٬ دغسې سپيكر سردار اياز صادق په كلنه توګه د يو ارب روپو د بچت هدف مقرر كړے ٬ د قامي اسمبلۍ په خرڅونو كښې زيات كمے په درېو پړآٶنو كښې بشپړ شوے٬ په وړومبي پړاٶ كښې د اسمبلۍ د مختلف ګرېډ 90 غېر ضروري چوكۍ ختمې كړې شوي چې ورسره به قامي خزانې ته 25 كروړه 52 لكه 64 زره روپۍ په كلنه توګه بچت وشي٬ په دوېم پړاٶ كښې د ګرېډ ون نه تر 19 غېر ضروري چوكو ختمولو سره به 30 كروړه 75 لكه نه زيات بچت وشي٬ دې اقدام سره په مجموعي توګه 56 کروړه 27 لکه 66 زره روپو نه زيات بچت وشي او درېم پړاٶ كښې به نورې 40 كروړه روپۍ بچت كړې شي۔ د سپيکر سردار اياز صادق په امر د شوو اقداماتو مقصد په كلنه توګه په مجموعي توګه د يو ارب روپو د بچت هدف سر كول دي۔ د سپيکر سردار اياز صادق په مشرۍ كښې د فنانس كمېټۍ غونډه كښې د كفايت شعارۍ په پلان عملدرامد لپاره د اقدامات منظوري وركړې شوې چې له مخې ئې د قامي اسمبلۍ سيکريټريټ ضرورتونو له مخې د چوكو تعين، خاتمه، تعيناتۍ او د ترقۍ طريقه كار كښې ښه والے او سپېځلتيا راوستلې شوې۔ دا خبره د زيارت په ورځ د قامي اسمبلۍ سيکريټريټ لخوا په جاري بيان كښې شوې ده۔
