اسلام آباد۔22اپریل (اے پی پی) پاکستان اتے ایران ݙوپاسہ تعلقات خصوصی طور تجارت، توانائی، رابطے، ثقافت اتے عوامی سطح تے رابطیاں ا?? تعاون کوں ودھاوݨ دا عزم کیتا اتے آندے پنج سالیں اچ تجارتی حجم ݙاہ ارب ڈالر تئیں ودھاوݨ تے اتفاق کیتے۔ وزیر اعظم آفس دے میڈیا ونگ توں جاری پریس ریلیز موجب وزیراعظم محمد شہبازشریف اتے اسلامی جمہوریہ ایران دے صدر ڈاکٹر سید ابراہیم رئیسی وچال سن??ار کوں وزیراعظم ہاؤس اچ ملاقات تھئی۔ ملاقات اچ ݙوہیں پاسوں دے وزراء اتے اعلیٰ حکام موجود ہن۔ ݙوہیں رہنماواں ݙوپاسہ تعلقات تے ڳالھ مہاڑ کیتی اتے اہم علاقائی اتے عالمی پیشرفت تے ڳالھ کیتی۔ صدر ابراہیم رئیسی اتے وزیر اعظم شہباز شریف غزہ اچ اسرائیلی قابض افواج ولوں ست مہینے توں ودھ عرصے دے طاقت دے اندھادھند استعمال دی مذمت کریندیں ہوئیں فوری اتے غیر مشروط جنگ بندی کیتے بین الاقوامی کوششاں اتے محاصرہ کرݨ تے زور ݙتا۔ وزیراعظم کشمیری عوام اتے انہاں دے جائز حقوق کیتے ایران دی اصولی حمایت تے ایرانی قیادت خصوصی طور سپریم لیڈر آیت اللہ علی خامنہ ای دے مؤقف دی تعریف کیتی۔
.jpg)
