اسلام آباد 06 ستمبر (اے پي پي) د قامي اسمبلۍ سپيكر اسد قېصر او دوهم سپيكر قاسم خان سوري د دفاع ورځ په موقع پاك پوځ ته پېرزوئنې وړاندې كولو سره ووئيلي دي د هېواد د پولو دفاع او هېواد كښې ترهګرۍ په ضد جنګ كښې پاك پوځ ځانګړې قربانۍ وركړې د كومو چې مثال نه ترلاسه كېږي۔ د دفاع وزير په مهال خپلو جلا جلا پېغامونو كښې دوي ووئيل د هېواد دفاع په مضبوطو لاسونو كښې ده او د پاك پوځ په موجودګۍ كښې دښمن پاكستان پلو په خېرنو سترګو د كتلو جرات نه شي كولې۔ دوي ووئيل چې كله په هېواد سخت وخت راشې ټول قام به لكه د غره پوځ سره اوږه په اوږه ولاړ وي۔ سپيکر زياته كړې چه نننۍ ورځ مونږ ته د شهيدانو يادګېرنه كوي چې د 65 په جنګ كښې د مړانې او شجاعت څرګندونې سره ئې خپل ځانونه قرباني كړې او د دښمن ناوړه عزائم ئې خاورې كړې۔ قاسم خان سوري ووئيل د دفاع ورځ د قربانيو لازوال داستان دے كوم چې د 65 په جنګ كښې د پاكستان ځوانانو وطن لپاره د جنګ په مهال رقم كړي۔ ده ووئيل كه سباٶن كښې هم سخت وخت راغې نو ټول قام به د 65 نګ غونډې خپل پوځ سره اوږه په اوږه د دښمن مقابله كوي
