اسلام آباد 24 ستمبر (اے پي پي) د خارجه دفتر وياند ډاكټر فېصل په مقبوضه كشمير كښې د هند د قابض ځواكونو د انسانيت سوز ظلمونو په ډاګه كولو لپاره په جنېوا كښې د چلېدونكي پاكستاني كمپائن په ضد په سوشل مېډيا بې بنسټه پېغامات په سختې سره رد كړي دي۔ د نهې په ورځ د يوې پوښتنې په ځواب كښې د خارجه دفتر وياند په سوشل مېډيا داسې پېغامات رد كولو سره ووئيل چې د د هند د قابض ځواكونو د انسانيت سوز ظلمونو په ډاګه كولو لپاره په جنېوا كښې د چلېدونكي پاكستاني كمپائن په ضد يوه ناوړه هڅه ده۔ ده ووئيل چې په مقبوضه كشمير كښې د څلورم اګست نه د نافذ كرفيو نه پس دا صورتحال ډېر خراب دے۔ وياند د بېلا بېلو منطقو د پنځوسو نه د زياتو هېوادونو شريكه اعلاميه په ډاګه كولو سره ووئيل چې په دې اعلاميه كښې د هند نه غوښتنه شوې هغهه دې په سمدستي توګه په كشمير كښې كرفيو او لاك ډاؤن ختم كړي٬ د پېلټ ګنز پشمول د طاقت استعمال دې بند كړې شي٬ ټول سياسي بنديان دې په سمدستي توګه خوشي كړې شي او په كال 19-2018م كښې د جمو او كشمير په اړه دې د ملګرو ملتونو د راپورونو په وړاندېزونو عمل وكړې شي۔ وياند واضحه كړه چې د بشري حقونو هائي كمشنر په مقبوضه جمو كشمير كښې د بشري حقونو په اوسني صورتحال سخته اندېښنه ښودلې۔ د بشري حقونو كونسل تر نن په غونډه كښې په دې لړ كښې كومه رائې شماري نه ده كړې۔ په دې لړ كښې هر ډول كېدونكي قياسونه غلط٬ بې بنسټه او د ځان نه جوړ شوي دي۔ وياند ووئيل چې پاكستان به د كشميريانو ستونزې ختمولو لپاره خپلې هڅې روانې ساتي۔ ده ووئيل چې د بشري حقونو په كونسل كښې په كشمير حقائق تسليمول د پاكستان د هڅو اعتراف دے او پاكستان به د ملګرو ملتونو په عمومي اسمبلۍ كښې دا معامله په پوره قوت سره پورته كوي
